Florensiyada evlərin qısamüddətli icarəsinə icazə verilməyəcək
Roma, 2 iyun, AZƏRTAC
İtaliya intibahının vətəni hesab olunan Florensiyada fərdi evlərin turistlər üçün qısamüddətli icarəsinə icazə verilməyəcək.
AZƏRTAC xəbər verir ki, bunu Florensiyanın meri Dario Nardella deyib.
O bildirib ki, məqsəd UNESCO-nun xüsusi ərazi olaraq müəyyən etdiyi tarixi mərkəzin mənzil icarəsi tətbiqləri vasitəsilə boşaldılmasının qarşısını almaq və yerli yaşayış yerlərini qorumaqdır. Qərar iyunun 1-dən qüvvədədir.
Florensiyanın tarixi mərkəzində hazırda 8500 evin müvəqqəti əsaslarla kirayəyə verildiyi bildirilir.
Qeyd edək ki, İtaliyanın tarixi və turistik şəhərlərindən biri olan Florensiyanı il ərzində milyonlarla turist ziyarət edir.
Nihad Budaqov
AZƏRTAC-ın xüsusi müxbiri
Roma
Bölmənin digər xəbərləri
