Frank De Bleker “Qarabağ”-“Turan Tovuz” oyununda yaşanan mübahisəli epizodu şərh edib
Bakı, 27 yanvar, AZƏRTAC
AFFA Hakimlər Komitəsinin sədri Frank De Bleker Misli Premyer Liqasının XX turunda keçirilən “Qarabağ”–“Turan Tovuz” (1:2) oyununda yaşanan mübahisəli epizodu şərh edib.
AZƏRTAC xəbər verir ki, belçikalı funksioner bu barədə milli assosiasiyanın rəsmi saytına açıqlama verib.
O, 90-cı dəqiqədə baş verən vəziyyəti belə izah edib: “Turan Tovuz”un futbolçusu künc zərbəsindən topu qapı qarşısına ötürür. “Qarabağ”ın qapıçısı Şahrudin Məhəmmədəliyev topa çıxır və yumruğu ilə onu uzaqlaşdırır. Top qonaqların üzvü Kauan Martinsin önünə düşür və o, qol vurur. VAR-da görüntülər izlənildikdən sonra qapıçının tarazlığını pozan heç bir qayda pozuntusu (qapıçı ilə mübarizə/kontakt) olmadığı görünür. Qol qaydalar çərçivəsində vurulduğu üçün hesaba alınır”.
Bölmənin digər xəbərləri
