FRANS PRESS AGENTLİYİNİN YENİ RƏHBƏRİ SEÇİLMİŞDİR
AZƏRTAC-ın İTAR-TASS agentliyindən aldığı xəbərə görə, 42 yaşlı Pyer Luet Frans Press Agentliyinin (FPA) yeni prezidenti - baş direktoru seçilmişdir. O, Agentliyin İnzibati Şurasının iclasında səsvermənin birinci turunda seçilmiş və FPA-nın 11-ci başçısı olmuşdur. Bundan əvvəl o, agentliyin baş katibi idi. Nizamnaməyə görə, onun bu vəzifədə mandatının müddəti 3 ildir.
İndiyədək bu vəzifəni tutan Bertran Eveno “şəxsi mülahizələrə görə” vaxtından qabaq istefa vermişdir.
FPA-nın İnzibati Şurasına 15 nəfər - mətbu mətbuatın 8, audiovizual mətbuatın 2, dövlətin 3 və heyətin 2 nümayəndəsi daxildir.
İkinci Dünya müharibəsindən sonra yaradılan FPA-nın 2100 nəfərdən çox əməkdaşı və 118 bölməsi vardır.
Bölmənin digər xəbərləri
