Fransa gimnastı Lorett Şarpi Bakıda qızıl medal qazanıb
Bakı, 2 aprel, AZƏRTAC
Bakıda keçirilən idman gimnastikası üzrə dünya kuboku yarışlarında Fransa təmsilçisi Lorett Şarpi qadınlar arasında müxtəlif hündürlüklü qollarda qızıl medala sahib olub.
AZƏRTAC xəbər verir ki, onun çıxışı hakimlər tərəfindən 13,866 xalla qiymətləndirilib.
İlk üçlüyü Niderland idmançıları tamamlayıblar. Belə ki, Naomi Visser 13,100 xalla gümüş, Vera van Pol isə 12,966 xalla bürünc medal qazanıblar. Ölkəmizin gimnastika növləri üzrə bu il təşkil etdiyi dördüncü beynəlxalq yarışda 34 ölkədən 145 idmançı qüvvəsini sınayır.
Turnirdə ən yüksək icra xalını toplamış gimnastlara ənənəvi “AGF Trophy” kuboku da təqdim olunacaq.
Bölmənin digər xəbərləri
