FRANSA HƏBSXANALARINDA SIXLIQDIR

19.03.2004 [11:04]
Çap et
A⁺ A^-

Son dövrlərdə kriminal vəziyyətin artması və polisin cinayətkar ünsürlərə qarşı apardığı əməliyyatlar nəticəsində həbs olunanların sayı bu il 6 faiz artmışdır. Buna görə də Fransa həbsxanalarında sıxlıq yaranmışdır.

AZƏRTAC-ın xüsusi müxbiri xəbər verir ki, mart ayının 1-nə olan məlumata görə, 48603 dustaq üçün nəzərdə tutulmuş təcridxanalarda hazırda 61032 məhbus yerləşdirilmişdir. Ötən ilin iyul ayında məhbusların sayı 60193 nəfər olmuşdur. Məhbusların sayının durmadan artması ölkənin bir çox təcridxanalarında ağır vəziyyət yaratmışdır. Məsələn, 478 məhbus üçün nəzərdə tutulmuş Lus təcridxanasına 1079 nəfər yerləşdirilmişdir.Tulonda 144-a qarşı 339, Bayonda isə 65 yerlik həbsxanada 265 məhbus öz cəza müddətlərini çəkməyə məcbur edilmişdir.

Ölkə təcridxanalarında yaranmış bu acınacaqlı vəziyyət dövləti yeni böyük bir təcridxananın tikintisinə vadar edir.