FRANSA KOSOVOYA ƏLAVƏ HƏRBİ QÜVVƏ GÖNDƏRİR

22.03.2004 [19:49]
Çap et
A⁺ A^-

AZƏRTAC-ın xüsusi müxbiri Parisdən xəbər verir ki, son bir neçə gündə Kosovoda serblərlə albanlar arasında çoxlu insanın ölümü ilə nəticələnən və yenidən alovlanmaqda olan qarşıdurmanın qarşısını almaq məqsədi ilə Fransa dövləti oraya əlavə 400 nəfər əsgər göndərməyi qərara almışdır. Bu barədə ölkənin Prezidenti Jak Şirak həmkarı Serb-Monteneqronun prezidenti Svetozar Moroviclə telefon danışığı zamanı bildirmişdir.

Artıq 200 əsgər təyyarə ilə Kosovoya yola salınmış, digər 200 əsgər isə yaxın günlərdə göndəriləcəkdir.

Hazırda Kosovodakı BMT-nin sülhməramlı qüvvələrinin tərkibində 2900-dən artıq fransız əsgəri vardır. Kosovoda yerləşdirilmiş beynəlmiləl hərbi qüvvələrə bu ilin yayında Fransa komandanlıq edəcəkdir.

Xatırladaq ki, ABŞ, İngiltərə, Almaniya və İtaliya dövlətləri də Kosovonun münaqişə zonasındakı hərbi kontingentlərinin sayını artırmaq barədə ümumi razılığa gəlmişlər.

FRANSA KOSOVOYA ƏLAVƏ HƏRBİ QÜVVƏ GÖNDƏRİR

MÜƏLLİFLƏ ƏLAQƏ

Bölmənin digər xəbərləri