FRANSA PREZİDENTİ ƏTRAF MÜHİTLƏ BAĞLI BEYNƏLXALQKONFRANS KEÇİRMƏYİ QƏRARA ALMIŞDIR

19.09.2006 [13:07]
Çap et
A⁺ A^-

AZƏRTAC-ın xüsusi müxbiri xəbər verir ki, Fransa Prezidenti Jak Şirak 2007-ci ilin əvvəllərində ətraf mühitlə bağlı beynəlxalq konfrans keçirməyi qərara almışdır.

Ölkə başçısı sentyabrın 18-də Birləşmiş Millətlər Təşkilatı Baş Məclisinin yığıncağına yola düşməzdən əvvəl “Avropa-1” radiosuna verdiyi müsahibəsində ətraf mühitə dair beynəlxalq konfrans keçirmək qərarına gəldiyini bəyan etmiş və bildirmişdir ki, ictimaiyyət, iqtisadiyyat və siyasət nümayəndələrinin iştirakı nəzərdə tutulmuş bu tədbiri yeni ilin başlanğıcında Parisdə keçirmək niyyətindədir.

Jak Şirak təklifinin beynəlxalq aləmdə dəstəklənəcəyini və çox tez bir vaxtda həyata keçiriləcəyini söyləmişdir.