FRANSADA BEŞ TON NARKOTİK MADDƏ TUTULMUŞDUR
AZƏRTAC-ın xüsusi müxbirinin verdiyi xəbərə görə, Fransa polisinin apardığı növbəti uğurlu əməliyyat nəticəsində Gar və Bush-du–Ron departamentlərinin Boker və Taraskon şəhərlərində özlərini şübhəli aparan 20 nəfər tutulub saxlanılmışdır. İlkin araşdırma zamanı həmin şəxslərin narkotik maddələrin beynəlxalq ticarəti ilə məşğul olan cinayətkar dəstənin üzvləri olduqları aydınlaşdırılmışdır. Həbs edilənlərin evlərində axtarış aparılarkən Mərakeş və Hollandiyadan gətirilərək İspaniyaya aparılması nəzərdə tutulmuş 5 ton narkotik maddə aşkarlanmışdır.
Polisin axtarış aparmasından xəbər tutmuş cinayətkar dəstənin digər üzvləri gizlətdikləri yüz kiloqramlarla narkotik maddəni bir neçə çaylarda axıtmaqla izi itirməyə çalışmışlar.
Faktla bağlı cinayət işi qaldırılmışdır.
Bölmənin digər xəbərləri
