Fransada iqtisadi fəallıq ən sürətli templərlə azalır
Bakı, 23 sentyabr, AZƏRTAC
Sentyabrda Fransada iqtisadi fəallıq aprel ayından bu yana ən yüksək templə daralıb. Ölkənin istehsal və xidmət sektorları tənəzzülə uğrayıb.
AZƏRTAC bu barədə “S&P Global” şirkətinin hesabatına istinadla xəbər verir.
Fransanın satınalma menecerlərinin kompozit indeksi (PMI) sentyabrda avqust ayı ilə müqayisədə bu göstəricinin 49,8-dən 48,4-ə enərək beş ayın ən aşağı səviyyəsinə çatdığını göstərir, həmçinin 50-dən aşağı rəqəmlər iqtisadiyyatda daralmanı nümayiş etdirir.
İstehsal sektoru xüsusilə ağır zərbə alıb: onun ümumi PMI göstəricisi avqustda 50,4-dən 48,1-ə düşüb ki, bu da son üç ayın ən aşağı rəqəmidir.
Tənəzzülə istehlakçı tələbinin aşağı düşməsi səbəb olub: yeni sifarişlərin ümumi həcmi ardıcıl on altıncı aydır ki, azalır.
Hamburq Kommersiya Bankının iqtisadçısı Yonas Feldhusenin fikrincə, Fransada iqtisadi fəallıq aprel ayından bəri hər zaman olduğundan daha kəskin azalıb.
Bölmənin digər xəbərləri
