Fransada son sutka ərzində 111 ölüm faktı qeydə alınıb
Paris, 17 iyun, AZƏRTAC
Fransada COVID-19 virusundan son 24 saat ərzində 38-i xəstəxanalarda, 73-ü qocalar evlərində olmaqla 111 ölüm faktı qeydə alınıb.
AZƏRTAC xəbər verir ki, bu haqda Fransa Baş Səhiyyə İdarəsi məlumat verib.
Bildirilib ki, COVID-19 pandemiyası ümumilikdə 29 min 547 nəfərin həyatına son qoyub. Bunun 19 min 90 nəfəri xəstəxanalarda, 10 min 457-si isə qocalar evlərində baş verib.
Hazırda xəstəxanalarda 10 min 535 koronavirus xəstəsi var ki, onlardan 820-si ağır vəziyyətdə reanimasiya şöbələrindədir. Son sutka ərzində reanimasiya şöbələrinə 14 yeni xəstə qəbul olunub.
Şəhla Ağalarova
AZƏRTAC-ın xüsusi müxbiri
Paris
Bölmənin digər xəbərləri
