Fransada təbii qazın qiyməti artıb
Paris, 1 sentyabr, AZƏRTAC
Fransada təbii qazın istinad satış qiyməti sentyabrın 1-dən 5,6 faiz artaraq meqavat-saat üçün 162 avrodan 172 avroya yüksəlib. Bahalaşma təxminən 6 milyon ailəyə təsir göstərəcək.
AZƏRTAC xəbər verir ki, təbii qazdan istifadə edən ailələr üçün bu artım illik hesabla təxminən 100 avro əlavə xərc yarada bilər. Qiymət artımı Yaxın Şərqdəki böhran və Hörmüz boğazında gəmiçilik hərəkətinin pozulması fonunda qaz bazarında yaranan gərginliklə əlaqələndirilir.
Münaqişənin başlanmasından bəri qazın istinad qiyməti əhəmiyyətli dərəcədə artıb və 2023-cü ildə tətbiq edilməsindən bəri ən yüksək səviyyəyə çatıb.
Bölmənin digər xəbərləri
