AZƏRTAC-ın xüsusi müxbiri xəbər verir ki, hər gün 8 milyon fransızın oxuduğu gündəlik milli mətbuat dərin böhran keçirməkdədir. Bu barədə ölkənin “Liberasyon” qəzeti məlumat yaymışdır. Məlumatda bildirilir ki, gündəlik mətbuat hazırda ölü vəziyyətdədir. Buna səbəb əhalinin əksəriyyətinin pulsuz paylanan “20 dəqiqə” və “Metro” qəzetlərini oxuması, İnternetdən istifadə etməsidir. Son 15 ildə qəzetlərin ümumi satışı 15,7 faiz azalmışdır. Əgər 1946-cı ildə ölkədə 28 adda milli qəzet 6 milyon tirajla nəşr edilirdisə, hazırda mövcud 11 milli qəzet hər gün 2 milyon tirajla işıq üzü görür.
Ölkənin Kütləvi İnformasiya Vasitələri İdarəsi böhranın informasiya jurnallarını da əhatə etdiyini bildirmişdir.
Fransanın bir çox nüfuzlu qəzetlərinin satış qiyməti sentyabr ayından bahalaşmasına baxmayaraq, onların nəşri aşağı düşməkdədir. Milli qəzetlərin naşirləri vəziyyətdən çıxmağın yeganə yolunu qəzetlərdə dərc edilmiş məqalələrin internet saytında yerləşdirilməsində və onlardan pullu istifadə də görürlər.
