Futbol üzrə Çin Superliqasının qalibi müəyyənləşib
Bakı, 2 noyabr, AZƏRTAC
Futbol üzrə Çin Superliqasında 2024-cü il mövsümünün qalibi müəyyənləşib.
AZƏRTAC xəbər verir ki, çempion komandanın adına sonuncu – 30-cu turda aydınlıq gəlib.
Doğma meydanda “Tyantsin” klubunu 5 cavabsız qolla məğlub edən “Şanxay Port” ölkə çempionu olub. Bu qələbədən sonra xallarını 78-ə çatdıran komanda ən yaxın izləyicisi “Şanxay Şenxua”nı 1 xal qabaqlayaraq qızıl medallara sahib çıxıb.
Bununla da “Şanxay Port” tarixində üçüncü dəfə Çin Superliqasının qalibi olub. Əvvəlki çempionluqlar 2018 və 2023-cü illərə təsadüf edib.
Bölmənin digər xəbərləri
