GDU-nun “Brend tələbə”ləri mükafatlandırılıb
Gəncə, 2 iyun, Elcan Məmmədov, AZƏRTAC
AzEdu.az təhsil portalı və ali məktəblərin birgə təşkilatçılığı ilə həyata keçirilən "Brend tələbə" layihəsi çərçivəsində xüsusi meyarlara uyğun seçilən tələbələrin mükafatlandırılması davam edir.
AZƏRTAC-ın bölgə müxbiri xəbər verir ki, Gəncə Dövlət Universitetinin də seçilən “Brend tələbə”ləri mükafatlandırılıb. Tədbirdə universitetin Elm və innovasiyalar üzrə prorektoru, deputat Pərvin Kərimzadə və AzEdu.az təhsil portalının "İlin gənc müəllimi" layihəsinin qalibi Leyla Camalzadə çıxış edərək, "Brend tələbə" statusuna layiq görülmüş gəncləri təbrik edib, onlara uğurun sirlərindən danışıblar.
Çıxışlardan sonra GDU-nun “Brend tələbə”lərinə təltifnamələr təqdim olunub.
Bölmənin digər xəbərləri
