Gənc vətənpərvərlər ermənilərin törətdikləri soyqırımı və terrorlara son qoyulmasını tələb edirlər
Bakı, 29 mart (AZƏRTAC). Gənclər və İdman Nazirliyinin dəstəyi ilə Gənc Vətənpərvərlər Birliyi (GVB) 31 mart - Azərbaycanlıların Soyqırımı Günü münasibəti ilə “Ermənilərin törətdikləri soyqırımlara, terrorlara son qoyulmalıdır” mövzusunda tədbir keçirmişdir.
GVB-nin mətbuat xidmətindən AZƏRTAC-a verilən məlumata görə, ulu öndər Heydər Əliyevin və şəhidlərin xatirəsi bir dəqiqəlik sükutla yad edilmişdir.
Çıxış edənlər bildirmişlər ki, 31 mart - Azərbaycanlıların Soyqırımı Günü ümummilli lider Heydər Əliyevin 1988-ci il 26 mart tarixli Fərmanına əsasən ilk dəfə dövlət səviyyəsində qeyd edilmiş və son iki yüz ildə xalqımıza qarşı törədilmiş ağır cinayətlərə hüquqi -siyasi qiymət verilmişdir.
Tədbirdə tarixçi alimlər, gənclər təşkilatları və idman federasiyalarının nümayəndələri iştirak etmişlər.
Sonda tədbir iştirakçılarına soyqırımla bağlı bukletlər paylanmışdır.
Bölmənin digər xəbərləri
