GƏNCƏDƏ SƏRXOŞ SÜRÜCÜLƏRƏ QARŞI CİDDİ MÜBARİZƏ APARILIR
Dövlət Yol Polisi İdarəsindən AZƏRTAC-a bildirmişlər ki, keçən ilin 6 ayı ərzində baş vermiş 26 yol-nəqliyyat hadisəsinin 13-ü ölümlə nəticələnmişdi. Həyata keçirilən ciddi tədbirlər sayəsində bu rəqəm cari ildə xeyli azalmışdır. Son üç ayda 200 nəfərədək sürücü haqqında inzibati cəza tədbiri görülmüşdür. Onların 46 nəfəri sərxoş vəziyyətdə olmuşdur.
Məlum olduğu kimi, yay mövsümündə Hacıkəndə istirahətə gələnlərin sayı xeyli artır. Təəssüf ki, sərxoş vəziyyətdə avtomaşını idarə edən sürücülərin əksəriyyəti bu ərazidə aşkar edilir. Odur ki, Hacıkənd yolu dövlət yol polisi əməkdaşları tərəfindən xüsusi nəzarətə götürülmüşdür və burada günaşırı reydlər keçirilir.
