GÖMRÜK İŞÇİLƏRİ ÜÇÜN SEMİNAR KEÇİRİLMİŞDİR
AZƏRTAC-ın müxbiri xəbər verir ki, Gəncədə Avropa İttifaqı və BMT-nin dəstəyi ilə Azərbaycanda Gömrük Məcəlləsinə ediləcək dəyişikliklərin müzakirəsinə həsr olunmuş seminar keçirilmişdir. Gəncə, Yevlax və Balakən gömrük idarələri işçilərinin iştirak etdiyi tədbirdə məcəlləyə dəyişikliklər barədə ətraflı məlumat verilmiş və müzakirə olunan mövzu ətrafında fikir mübadiləsi aparılmışdır. Avropa İttifaqının eksperti Entoni Mortiz seminarda çıxış edərək Azərbaycanda gömrük xidmətinin Avropa standartlarına uyğunlaşdırılması istiqamətində görülən işləri yüksək dəyərləndirmiş və yeni məcəllənin həmin standartlara cavab verəcəyinə əminlik ifadə etmişdir. Seminarda iştirakçıların suallarına da aydınlıq gətirilmişdir.
Bölmənin digər xəbərləri
