GÖRKƏMLİ DİLÇİ ALİMİN 100 İLLİYİ QEYD EDİLMİŞDİR

25.11.2005 [22:42]
Çap et
A⁺ A^-

Azərbaycan Milli Elmlər Akademiyasının humanitar və ictimai elmlər bölməsi və Nəsimi adına Dilçilik İnstitutu noyabrın 25-də görkəmli dilçi alim, dövlət mükafatı laureatı, AMEA-nın müxbir üzvü, filologiya elmləri doktoru, professor Əliheydər Orucovun anadan olmasının 100 illiyinə həsr edilmiş elmi sessiya keçirmişlər.

AMEA-nın müxbir üzvü, Akademiyanın humanitar və ictimai elmlər bölməsinin akademik katibi professor Ağamusa Axundov XX əsr Azərbaycan dilçiliyinin inkişafında Əliheydər Orucovun əvəzsiz xidmətlərindən söz açmışdır. Bu elm fədayisinin tərtib etdiyi “Azərbaycan dilinin izahlı lüğəti”, “Rusca–Azərbaycanca lüğət” və digər əsərlərin məziyyətlərindən, türkologiyadakı yerindən danışmışdır. Alimin onu tanıyanların xatirində unudulmaz müəllim, nəcib insan, yüksək intellekt sahibi kimi qaldığını vurğulamışdır.

Sonra Nəsimi adına Dilçilik İnstitutunun şöbə müdirlərindən filologiya elmləri doktoru İsmayıl Məmmədovun “Professor Əliheydər Orucov müasir Azərbaycan lüğətçiliyinin banisidir” filologiya elmləri doktoru Sayalı Sadıqovanın “Professor Əliheydər Orucov və Azərbaycan dilinin terminologiya məsələləri” mövzularında məruzələri dinlənilmişdir.

GÖRKƏMLİ DİLÇİ ALİMİN 100 İLLİYİ QEYD EDİLMİŞDİR

MÜƏLLİFLƏ ƏLAQƏ

Bölmənin digər xəbərləri