ELM VƏ TƏHSİL
GÖRKƏMLİ SƏNƏTKARA HƏSR OLUNMUŞ XATİRƏ GECƏSİ
Azərbaycan Dövlət Mədəniyyət və İncəsənət Universitetində görkəmli teatr xadimi, xalq artisti, dövlət mükafatı laureatı Həsənağa Turabovun xatirə gecəsi keçirilmişdir.
AZƏRTAC-ın müxbiri xəbər verir ki, tanınmış mədəniyyət və incəsənət xadimlərinin iştirak etdiyi tədbirdə xalq artistləri Azər Paşa Nemətov, Eldar Quliyev, professor İlham Rəhimli və başqaları böyük sənətkarın zəngin yaradıcılıq irsindən, özünəməxsus ifaçılıq bacarığından ətraflı söhbət açmış, Azərbaycanın aktyorluq sənətinə dəyərli töhfələr verdiyini diqqətə çatdırmışlar. Onunla bağlı xatirələr söylənilmişdir.
Sonda xalq artisti Həsənağa Turabovun iştirakı ilə çəkilmiş filmlərdən kadrlar göstərilmişdir.