GÖYÇAYDA SƏNAYE SAHƏLƏRİ İNKİŞAFDADIR
Regionların sosial-iqtisadi inkişafı Dövlət Proqramı çərçivəsində Göyçay rayonunda sənaye sahələri sürətlə inkişaf edir. Rayon icra hakimiyyətində AZƏRTAC-ın müxbirinə bildirmişlər ki, Göyçay konserv zavodunun bazasında yaradılmış “Azplodeksport” MMC, 26 adda məhsul istehsal edən və öz məhsullarını MDB ölkələrinə, habelə Almaniya və İsrailə ixrac edən Göyçay süd zavodu, Türkiyə iş adamlarına məxsus “Kərpic-SAN LTD” MMC-nin zavodu, “ATF” MMC-nin saatda 45 ton məhsul istehsalı gücündə olan müasir tipli asfalt zavodu, Göyçay konserv zavodu və qida məhsulları zavodu, dağ doğrayan qurğu kompleksi, 2 çınqıl-qum karxanası, “Göyçay-tikiş” fabriki və sair hazırda rayonun iqtisadiyyatında mühüm rol oynayır. Yüzlərlə insanın çalışdığı bu sahələrdə yeni texnoloji avadanlıqların quraşdırılması, istehsalın genişləndirilməsi sahəsində əhəmiyyətli işlər görülür.
Bunların nəticəsi olaraq, keçən il rayonda 25,9 milyard manatlıq sənaye məhsulları istehsal edilmişdir ki, bu da 2004-cü ilə nisbətən 7,3 milyard manat və ya 39,2 faiz çoxdur.
Bölmənin digər xəbərləri
