Göygöl rayonunda ağacəkmə kampaniyası keçirilmişdir
Göygöl, 12 aprel (AZƏRTAC). Ötən şənbə və bazar günləri Göygöl rayonunda keçirilən növbəti ağacəkmə kampaniyasında təxminən 3 min nəfərdən artıq rayon sakini iştirak etmişdir. 5 mindən çox müxtəlif növ ağac əkilmiş, mövcud yaşıllıqlara qulluq göstərilmiş, ərazilər tullantılardan təmizlənmişdir. Gəncə-Göygöl-Hacıkənd avtomibil yolunun sağ və sol sahillərinə, mədəniyyət və istirahət parkına, kəndlərlə rayon mərkəzini birləşdirən yolların ətrafına çoxlu sayda ağac əkilmiş, yeni yaşıllıq zolaqları salınmışdır.
Rayon icra hakimiyyəti başçısının müavini Turani Əliyev AZƏRTAC-a demişdir ki, keçən il rayon ərazisində 100 mindən artıq ağac və gül kolu əkilmişdir. Cari ildə isə rayonda yaşıllaşdırma tədbiri daha geniş aparılır. Mövsümün sonunadək rayonun ərazisində daha 50 min ağacın əkilməsi nəzərdə tutulmuşdur.
Bölmənin digər xəbərləri
