“Gözü yolda Xocalım...” adlı ədəbi-bədii kompozisiya təqdim edilib
Bakı, 25 fevral, AZƏRTAC
Azərbaycan Dövlət Mədəniyyət və İncəsənət Universitetinin (ADMİU) “Səda” Tədris Teatrında Xocalı qurbanlarının xatirəsinə həsr olunan anma mərasimi keçirilib.
ADMİU-dan AZƏRTAC-a bildiriblər ki, tədbirdə bu ali məktəbin rektoru, professor Fərəh Əliyeva Xocalı soyqırımı haqqında danışaraq bu qətliamı bütün bəşəriyyətə və insanlığa qarşı cinayət adlandırıb, faciənin hər zaman anılmasının vacibliyini vurğulayıb.
Mərasimdə aktyor sənəti fakültəsinin tələbələrinin iştirakı ilə “Gözü yolda Xocalım...” adlı ədəbi-bədii kompozisiya təqdim edilib. Kompozisiyada xalq şairləri Qabil, Xəlil Rza, Zəlimxan Yaqub, şairlərdən Çingiz Əlioğlu və Paşa Qəlbinurun şeirləri səsləndirilib.
Bölmənin digər xəbərləri
