Gülnaz Dadaşova: Kardioloqlar Forumu gənc kardioloqlar üçün olduqca vacibdir
Bakı, 12 aprel, AZƏRTAC
Bakıda Birinci Gənc Kardioloqlar Forumunun keçirilməsi bu sahədə fəaliyyət göstərən gənc kardioloqlar üçün olduqca vacibdir.
AZƏRTAC xəbər verir ki, bunu Bakıda Birinci Gənc Kardioloqlar Forumunun açılış mərasimində Elmi-Tədqiqat Kardiologiya İnstitutunun direktoru, forumun sədri, professor Gülnaz Dadaşova jurnalistlərə açıqlamasında deyib.
O qeyd edib ki, forum Ulu Öndər Heydər Əliyevin Azərbaycan gənclərinə verdiyi dəyəri rəhbər tutub: “Ümummilli Liderin göstərişi ilə MDB ölkələri arasında Gənclər Gününün ilk dəfə məhz Azərbaycanda keçirilməsi dövlətimizin gənclərə verdiyi dəyərin bariz nümunəsidir. Ulu Öndərimizin bu addımı gənclərin dövlətçiliyimizin bütün sahələrində nə qədər önəmli olduğunu sübut edir.
Azərbaycanın bütün bölgələrini əhatə edən gənc, perspektivli, kardiologiyanın bütün sahələrində çalışan kardioloqları bir araya toplayan forumun səhiyyə tarixində özünəməxsus olacağını düşünürəm”.
Tədbir çərçivəsində keçirilən kursların bütün mütəxəssislər üçün ödənişsiz olduğunu bildirən G.Dadaşova əlavə edib: “Birinci Gənc Kardioloqlar Forumu Səhiyyə Nazirliyinin Elmi Tibbi Şurası tərəfindən akkreditasiya olunub və 46 DTT kredit balı ilə qiymətləndirilib. Tədbirin sonunda gənc kardioloqlar üçün motivasiyaedici mükafatların verilməsi nəzərdə tutulub”.
Bölmənin digər xəbərləri
