GÜRCÜ ÇARI QURUCU DAVİDİN TBİLİSİDƏKİ ABİDƏSİNƏ GECƏLƏR KEŞİK ÇƏKİRLƏR
Məsələ burasındadır ki, şəhər bələdiyyəsi həmin abidəni mərkəzdən ətraf məhəlləyə keçirmək niyyətindədir. Burada Qazaxıstan sərmayəçiləri yeni layihə əsasında “İveriya” mehmanxanasında və Respublika meydanında yenidənqurma işləri aparacaqlar. Gürcüstan ictimaiyyətinin nümayəndələri və ziyalıların bir hissəsi bələdiyyənin qərarını bəyənmir və buna görə də abidəni gecə-gündüz mühafizə etməyi qərara almışdır.
T.Şaşiaşvili ilk gecə növbəsi başa çatdıqdan sonra jurnalistlərə demişdir: “Gürcüstanın öz müqəddəs çarının ləyaqətini qoruyacağına şübhə etmirəm. Çünki söhbət yalnız abidənin başqa yerə köçürülməsindən deyil, Qurucu Davidin ideologiyasından imtina edilməsinə cəhddən gedir. Bu ideyadan imtina edilməsi isə Gürcüstanın yox olacağı deməkdir”.
Bölmənin digər xəbərləri
