GÜRCÜ-OSETİN MÜNAQİŞƏ BÖLGƏSİNDƏ BİR NƏFƏR YARALANIB
AZƏRTAC-ın xüsusi müxbiri xəbər verir ki, gürcü-osetin münaqişə bölgəsində sentyabrın 25-də axşam növbəti atışma nəticəsində bir nəfər gürcü ağır yaralanmışdır. Zərərdidəyə Qori rayon xəstəxanasında ilkin yardım göstərildikdən sonra Tbilisiyə hospitala aparılmışdır.
Həkimlər onun vəziyyətinin həddindən artıq ağır olduğunu deyirlər. Gürcü tərəfinin fikrincə, 38 yaşlı Xviça Nikoraşvili öz avtomobili ilə evinə gedərkən osetinlər onu qumbaraatandan atəşə tutub ağır yaralamışlar. Osetinlər isə bunu təkzib edib bildirirlər ki, zərərdidə kimlər tərəfindənsə quraşdırılmış minaya düşmüşdür.
Bölmənin digər xəbərləri
