Gürcüstan ilə Rusiya arasındakı Daryal sərhəd keçid məntəqəsi bağlanıb
Tbilisi, 6 iyun, AZƏRTAC
Gürcüstan-Rusiya sərhədindəki Daryal keçid məntəqəsi müvəqqəti olaraq bağlanıb.
AZƏRTAC xəbər verir ki, bu barədə Gürcüstan Fövqəladə hallar xidməti məlumat yayıb.
Bildirilib ki, bu gün səhər saat 08:36-da Devdoraki çayında suyun səviyyəsinin artdığı müəyyən olunub. Ərazidə bütün xidmət aparan əməkdaşlar təcili təxliyə edilib. Sərhəd polisi helikopter vasitəsilə əraziyə baxış keçirir.
Qveleti kəndi yaxınlığında da hər iki istiqamətdə yol bağlanıb.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
