GÜRCÜSTAN PARLAMENT ƏKSƏRİYYƏTİNİ DAHA 4 DEPUTAT TƏRK EDİB
AZƏRTAC-ın xüsusi müxbiri xəbər verir ki, Gürcüstan parlamentinə “Milli hərəkat-demokratlar” ittifaqının siyahısı üzrə deputat seçilən Respublikaçılar Partiyasının 4 nəfər üzvü – David və Levan Berdzenişvili qardaşları, Lvlian Xalindrava və Teymuraz Nerqadze parlament əksəriyyətini tərk etdiklərini bildirmişlər. Respublikaçılar Partiyasının lideri David Berdzenişvilinin sözlərinə görə, hakim partiyanın Acarıstan Ali Sovetinə seçkilər zamanı kobud pozuntulara yol verməsi buna səbəb olmuşdur.
Xatırladaq ki, Acarıstan Ali Sovetinə seçilən 30 deputatdan 28-i hakim partiyanın, 2-si Respublikaçılar Partiyasının nümayəndələridir.
Bölmənin digər xəbərləri
