GÜRCÜSTAN PREZİDENTİNİN MOSKVAYA SƏFƏRİ GÖZLƏNİLİR
AZƏRTAC-ın xüsusi müxbiri xəbər verir ki, Gürcüstan Prezidenti Mixail Saakaşvilinin iyulun 2-4-də Moskvaya səfəri planlaşdırılmışdır. İlkin məlumata görə, prezident Rusiya rəhbərliyi ilə ikitərəfli əməkdaşlıq məsələlərini, həmçinin Rusiya ilə Gürcüstan arasında dostluq, əməkdaşlıq və mehriban qonşuluğa dair çərçivə müqaviləsi üzərində işin gedişini müzakirə edəcək, Rusiya-Gürcüstan sərhədi boyu bütün buraxılış məntəqələrində sadələşdirilmiş viza rejimi tətbiq olunmasını təklif edəcəkdir.
Xatırladaq ki, Gürcüstanın Rusiya ilə sərhədindəki Larsi gömrük-buraxılış məntəqəsində iyunun 29-dan Rusiyadan Gürcüstana gələnlər üçün birtərəfli viza rejimi tətbiq olunmuşdur.
Bölmənin digər xəbərləri
