Gürcüstanda COVID-19-a yoluxanların sayı 37 mini keçib
Tbilisi, 30 oktyabr, AZƏRTAC
Gürcüstanda koronavirusa yoluxma halları artır. Son sutkada ölkədə daha 1696 nəfərdə koronavirus aşkarlanıb. Xəstəliyə yoluxmuş 2906 nəfər sağalıb, 12 pasiyent həyatını itirib.
AZƏRTAC xəbər verir ki, bu barədə Gürcüstan hökumətinin xüsusi rəsmi stopgov.ge saytında məlumat yerləşdirilib.
Bildirilir ki, bununla da ölkədə COVID-19-a yoluxanların ümumi sayı 37 min 263-ə, sağalanların sayı 19 min 810, pandemiya qurbanlarının sayı isə 285-ə çatıb.
Hazırda Gürcüstanda karantin rejimində 3070, stasionar nəzarətdə isə 4200 nəfər saxlanılır. Xəstəliyi asimpomatik keçirən 2324 xəstə xüsusi otellərdə müalicə alır.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
