Gürcüstanda koronavirusa yoluxanların sayı 34 min 858-ə çatıb
Tbilisi, 28 oktyabr, AZƏRTAC
Gürcüstanda son sutka ərzində daha 1 731 nəfərdə koronavirus təsdiqlənib, 2 197 nəfər sağalıb, 15 pasiyent isə həyatını itirib. AZƏRTAC xəbər verir ki, bu barədə Gürcüstan hökumətinin xüsusi rəsmi stopgov.ge saytında məlumat yerləşdirilib. Bununla da ölkədə COVID-19-a yoluxanların ümumi sayı 33 min 858-ə, sağalanların sayı 14 min 829-a, həyatını itirənlərin sayı isə 253-ə çatıb.
Hazırda Gürcüstanda 3507 nəfər karantində, 4022 xəstə stasionar nəzarətdə saxlanılır. 2 344 asimptomatik xəstə xüsusi otellərdə müalicə olunur.
Xətayi Əzizov
AZERTAC-ın xüsusi müxbiri
Tbilisi
Bölmənin digər xəbərləri
