Gürcüstanda qanunsuz saxlanılan külli miqdarda silah-sursat götürülüb
Tbilisi, 29 dekabr, AZƏRTAC
Gürcüstan Daxili İşlər Nazirliyinin (DİN) keçirdiyi əməliyyat-axtarış tədbirləri nəticəsində qanunsuz olaraq külli miqdarda silah-sursat əldə etdiklərinə görə 14 nəfər saxlanılıb.
AZƏRTAC xəbər verir ki, bu barədə Gürcüstan DİN məlumat yayıb.
Bildirilir ki, əməliyyat tədbirləri paytaxt Tbilisi ilə yanaşı, Kvemo-Kartli, Şida Kartli, Kaxeti, Raça-Leçxumi, Kvemo Svaneti regionlarında da keçirilib.
Nəticədə 8-i əvvəllər məhkum olunmuş şəxs olmaqla, ümumilikdə 14 nəfər saxlanılıb. Onlardan 1000-dən çox patron, patron sandıqçası, tapança, revolver, avtomat, əl qumbarası, bıçaq və digər silahlar götürülüb.
Faktla bağlı cinayət işi başlanılıb. Saxlanılan şəxsləri 3 ildən 7 ilədək həbs cəzası gözləyir.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
