Gürcüstanda son sutkada koronavirusa 507 yeni yoluxma qeydə alınıb
Tbilisi, 12 fevral, AZƏRTAC
Son sutka ərzində Gürcüstanda ən çox yoluxma paytaxt Tbilisidə qeydə alınıb - 191 nəfər. Yoluxma sayına görə ikinci yerdə 108 nəfərlə İmereti bölgəsidir.
AZƏRTAC xəbər verir ki, bu barədə Gürcüstan hökumətinin Dövlət Qurumlararası Koordinasiya Şurasının operativ qərargah sədrinin müavini Berdiya Siçinava bu gün keçirdiyi brifinqdə məlumat verib.
Üçüncü yerdə 46 yoluxma faktı ilə Sameqrelo-Zemo Svaneti, dördüncü-beşinci yerlərdə Şidi Kartli və Kaxeti bölgələri gəlir.
Azərbaycanlıların yığcam yaşadıqları Kvemo Kartli-Borçalı bölgəsində son sutka ərzində 26 nəfərin koronavirusa yoluxduğu təsdiqlənib.
Son sutkada ölkədə 507 yeni yoluxma, 15 ölüm faktı qeydə alınıb.
Siçinava deyib ki, hazırda Gürcüstanda 4619 aktiv koronavirus xəstəsi var. Onlardan 2045-i klinikalarda, 284-ü uyğunlaşdırılmış otellərdə, 2290-u isə evlərdə müalicə olunur.
Ümumi xəstələrin 483-nün vəziyyəti ağırdır və onların da 126 nəfəri süni nəfəs aparatına qoşulub.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
