GÜRCÜSTANDA YAŞAYAN AZƏRBAYCANLI GƏNCLƏRİN I QURULTAYI KEÇİRİLƏCƏKDİR
Bakı, 14 may (AZƏRTAC). Mayın 15-də Azərbaycanlıların Mədəniyyət Mərkəzinin təşkilatçılığı və Diasporla İş üzrə Dövlət Komitəsinin dəstəyi ilə Marneuli şəhərindəki Nəriman Nərimanov adına Mədəniyyət Evində Gürcüstanda yaşayan azərbaycanlı gənclərin I qurultayı keçiriləcəkdir.
Marneulidəki Azərbaycanlıların Mədəniyyət Mərkəzinin rəhbəri Fazil Həsənov bildirmişdir ki, qurultayın məqsədi azərbaycanlı gənclərin Gürcüstanın vətəndaş cəmiyyətinə inteqrasiyası, onların ictimai həyatda rolunun artırılması və bəzi problemlərin həllini müzakirə etməkdir.
Təxminən 300-dək nümayəndənin inştirak edəcəyi tədbirdə azərbaycanlı gənclərin bu ölkənin ictimai-siyasi həyatında rolu, “Gürcüstan Azərbaycanlı Gənclər İttifaqı”nın təsis olunması və s. məsələlərə də baxılacaqdır.
Qurultayda Azərbaycanın Diasporla İş uzrə Dövlət Komitəsinin nümayəndələri, həmçinin Gürcüstan rəsmi dairələrinin təmsilçiləri də iştirak edəcəklər.
Bölmənin digər xəbərləri
