GÜRCÜSTANIN AZƏRBAYCANA ENERJİ BORCU 32 MİLYON KİLOVAT SAATDIR

16.01.2004 [20:12]
Çap et
A⁺ A^-

“Azərenerji”nin mətbuat xidmətindən AZƏRTAC-ın müxbirinə bildirmişlər ki, Azərbaycan yığılıb qalmış borclara baxmayaraq, Gürcüstanın enerji probleminin həllinə mümkün olan yardımı göstərmişdir. Borcların qaytarılması cədvəli 2002-ci ildə tərtib edilmişdir və həmin vaxtdan qaytarılır. Hazırda Gürcüstan energetiklərinin borcu 32 milyon kilovat-saatdır.

Azərbaycandan Gürcüstana enerji ixracına 1954-cü ildə 110 kV gücündə Gəncə-Ağstafa-Rustavi xətti ilə başlanmışdır. 1958-1959-cu illərdə yeni, daha güclü elektrikötürmə xəttlərinin işə salınması ilə Cənubi Qafqaz respublikalarının energetika sistemlərinin paralel işini təmin etmək mümkün olmuşdu. Lakin Sovet İttifaqı dağıldıqdan və əvvəlki əlaqələr qırıldıqdan sonra yüksəkvoltlu iki elektrik xəttindən yalnız “Ağstafa” yardımçı stansiyasını Tbilisi DRES-i ilə birləşdirən Qardabani xətti qalmışdır.

Mütəxəssislərin fikrincə, Gürcüstanın energetika sisteminin qeyri-sabit işləməsi üzündən paralel enerji mübadiləsi qəza hallarına səbəb olur. Texniki imkanlar iki ölkənin energetika sistemlərinə enerji mübadiləsini gərgin rejimdə həyata keçirməyə imkan verir. Lakin belə elektrik mübadiləsinin hüquqi cəhətdən tənzimlənməsi üçün müvafiq müraciətlər və sazişlər mövcud deyildir.

GÜRCÜSTANIN AZƏRBAYCANA ENERJİ BORCU 32 MİLYON KİLOVAT SAATDIR

MÜƏLLİFLƏ ƏLAQƏ

Bölmənin digər xəbərləri