Gürcüstanın Bakuriani bölgəsində qar uçqunu ölümlə nəticələnib
Tbilisi, 31 mart, AZƏRTAC
Gürcüstanın Bakuriani kurort bölgəsində baş vermiş qar uçqunu nəticəsində bir nəfər həlak olub. Həlak olmuş şəxsin cəsədi üç gün davam edən axtarışlardan tapılaraq aidiyyəti üzrə təhvil verilib.
AZƏRTAC xəbər verir ki, bu barədə Gürcüstanın Fövqəladə Halların İdarəetmə Xidməti məlumat yayıb.
Bildirilir ki, bir neçə gün əvvəl 5 nəfər Bakurianidə qar uçqunu altında qalmışdı. Xilasedicilər 4 nəfəri sağ olaraq təxliyə ediblər. Bir nəfərin axtarışları davam edib və onun cəsədi martın 31-də tapılaraq qar kütləsi altından çıxarılıb.
Axtarış işlərinə 200-ə yaxın yanğınsöndürən, sərhəd polisi helikopterləri, xilasedici pilotsuz uçuş aparatları, kinoloji xidmət və Gürcüstan Müdafiə Qüvvələrinin nümayəndələri cəlb olunub.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
