Gürcüstanın xarici ticarət dövriyyəsi 16 faizdən çox azalıb
Tbilisi, 15 fevral, AZƏRTAC
Gürcüstan cari ilin yanvar ayında xarici ölkələrlə 763,9 milyon ABŞ dolları dəyərində ticarət əməliyyatı aparıb. Bu, 2020-ci ilin eyni dövrü ilə müqayisədə 16,3 faiz azdır.
AZƏRTAC xəbər verir ki, bu barədə Gürcüstanın Milli Statistika İdarəsinin hesabatında bildirilir.
Məlumata görə, yanvar ayında Gürcüstan 224,4 milyon dollar dəyərində məhsul ixrac edib, bu da keçən ilin eyni ayı ilə müqayisədə 16,2 faiz azdır. Xarici ticarətdə idxalın həcmi də 16,4 faiz azalaraq 539,4 milyon dollar təşkil edib.
Hesabat dövründə Gürcüstanın xarici ticarətində 315 milyon dollarlıq kəsir yaranıb ki, bunun da ümumi ticarət dövriyyəsindəki payı 41,2 faizdir.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
