Gürcüstanın xarici ticarət dövriyyəsi azalmaqda davam edir
Tbilisi, 14 iyun, AZƏRTAC
Gürcüstanın xarici ticarət dövriyyəsi əvvəlki illərlə müqayisədə azalmaqda davam edir. Cari ilin yanvar-may ayları ərzində ölkənin xarici ticarət dövriyyəsi 8419,9 milyard dollar təşkil edib, bu da ötən ilin eyni dövrü ilə müqayisədə 2,3 faiz azdır.
AZƏRTAC xəbər verir ki, bu barədə Gürcüstan Milli Statistika Xidmətinin saytında məlumat verilib.
Bildirilir ki, hesabat dövründə ölkənin xarici ticarətində idxalın həcmi 6,146 milyard dollar olub, bu da 2023-cü illə müqayisədə 0,5 faiz azdır.
İxracın həcmi isə ötən ilin eyni dövrü ilə müqayisədə 9,2 faiz azalaraq 2,274 milyard dollar təşkil edib.
Gürcüstanın xarici ticarətə dövriyyəsində 3,872 milyard dollar kəsir yaranıb, bu da ötən ilki götəricidən 7,2 faiz çoxdur.
Tbilisi
Bölmənin digər xəbərləri
