GÜZƏŞTLƏR SAHƏSİNDƏ POZUNTULAR BÖYÜK BRİTANİYAYA 3 MİLYARD FUNT STERLİNQƏ BAŞA GƏLİR

11.10.2005 [16:57]
Çap et
A⁺ A^-

AZƏRTAC-ın xarici informasiya agentliklərindən aldığı xəbərə görə, Böyük Britaniya dövləti 3 il ərzində sosial güzəştlər və müavinətlər sistemində yol verilən fırıldaqlar və səhvlər nəticəsində 3 milyard funt sterlinq itirmişdir. Başlıca səbəb isə sistemin çox mürəkkəb olmasındadır. Bu məlumatlar parlamentin dövlət xərcləri üzrə komitəsinin hazırladığı məruzədən götürülmüşdür.

Parlament komitəsinin sədri Edvard Leyanın sözlərinə görə, hökumətin müxtəlif dotasiyalara və güzəştlərə yönəltdiyi vəsaitdən itkilər “astronomik miqyas” alır. O demişdir: “Güzəştlər sistemi həm sosial xidmətlərin işçiləri, həm də güzəşt alanlar üçün sadələşdirilməsə, bu sahədə fırıldaqçılığı və səhvləri guman ki, heç vaxt nəzarətə götürmək mümkün olmayacaqdır”.

Böyük Britaniyada dövlət güzəştlərin və müavinətlərin ödənilməsinə ildə 109 milyard funt sterlinq xərcləyir. 2001-2004-cü illərdə bu sahədə müxtəlif fırıldaqlar üzündən 2 milyard funt sterlinq, sosial xidmətlərin əməkdaşlarının səhvlərinə görə isə 1 milyard funt sterlinq vəsait itirilmişdir.

GÜZƏŞTLƏR SAHƏSİNDƏ POZUNTULAR BÖYÜK BRİTANİYAYA 3 MİLYARD FUNT STERLİNQƏ BAŞA GƏLİR

MÜƏLLİFLƏ ƏLAQƏ

Bölmənin digər xəbərləri