HACIQABUL RAYONUNUN MEYNİMAN KƏNDİNDƏ YARILMIŞ BƏND BAĞLANMIŞDIR
Hacıqabul, 27 may (AZƏRTAC). Hacıqabul rayonunun Meyniman kəndində mayın 24-də yarılmış bənd bağlanmışdır.
İki gün aparılan intensiv bəndbərkitmə işlərindən sonra mayın 26-da axşam saatlarında bəndin bağlanmasına nail olunmuşdur.
Meyniman kəndində yarılan bəndin bağlanması ilə Şirvan şəhəri üçün yaranan təhlükə aradan qaldırılmışdır. Bəndin bərpasına yerli sakinlər və 60-dan çox texnika cəlb olunmuşdur. Amma bənddə daşların arasından sızmaları tam bağlamaq üçün işlər davam etdirilir.
Meyniman kəndi Bakı şəhərini su ilə təchiz edən Talış-Kür Su Kəmərləri İdarəsinin yerləşdiyi Talış kəndi ilə həmsərhəddir.
Bölmənin digər xəbərləri
