Hava şəraiti ilə əlaqədar SOCAR-ın istehsalat sahələrində təhlükəsizlik tədbirləri gücləndirilib
Bakı, 5 fevral, AZƏRTAC
Ölkə ərazisində hava şəraitinin kəskin dəyişməsi, küləkli, qeyri-sabit keçməsi ilə əlaqədar SOCAR-ın “Azneft” İB-nin istehsalat sahələrində təhlükəsizlik tədbirləri gücləndirilib.
SOCAR-dan AZƏRTAC-a bildirilib ki, təhlükəli işlərin görülməsi məhdudlaşdırılıb, əmək normaları çərçivəsində insan sağlamlığının qorunması üçün müvafiq tədbirlər görülüb. Bununla yanaşı, bütün sahələrdə maarifləndirmə işləri aparılır, dənizdə yerləşən bir sıra istehsalat sahələrindən təxliyələr olunub, mövcud vəziyyət nəzarətdə saxlanılır.
Bölmənin digər xəbərləri
