HEMOFİLİYAYA DAİR KONFRANS KEÇİRİLMİŞDİR
Konfransdan öncə, “Azersun Holdinq”in hazırladığı Hemofiliyalı Xəstələrin Respublika Assosiasiyasına məxsus binanın əsaslı təmiri, hemofiliya xəstəliyi və assosiasiyanın fəaliyyəti haqqında “Gələcəyə çağırış” adlı filmin təqdimatı olmuşdur. Uşaqların ifasında “Hemofiliya bizi birləşdirir” mahnısı səslənmişdir. Assosiasiyanın prezidenti Gülnarə Hüseynova hesabat məruzəsi ilə çıxış etmiş, maliyyə və təftiş komissiyalarının hesabatları dinlənilmişdir. Məruzə ətrafında müzakirələrdə Azərbaycan Hemofiliya Mərkəzinin rəhbəri Elmira Qədimova, Dünya Hemofiliya Federasiyasının proqramlar direktoru xanım Ketrin Hyudon, Türkiyə Hemofiliya Mərkəzinin, Uşaq Onkologiya Mərkəzinin rəhbəri, İstanbul Universitetinin professoru Bülənd Zülfiqar və başqaları çıxış etmişlər. Assosiasiya İdarə Heyətinin, komissiyaların yeni tərkibi seçilmiş, cari məsələlər müzakirə olunmuşdur. Gülnarə Hüseynova yenidən Assosiasiyanın prezidenti seçilmişdir.
Bölmənin digər xəbərləri
