Həmvətənimiz RF Dövlət Duması deputatının köməkçisi təyin edilib
Moskva, 4 fevral, AZƏRTAC
RF Federal Məclisinin Dövlət Dumasının deputatı, Millətlər Məsələləri üzrə Komitənin sədri Hacımet Səfərəliyev Ümumrusiya Azərbaycanlılar Konqresinin Moskva vilayəti üzrə icraçı direktoru, “Xalqlar dostluğu” Xeyriyyə Fondunun prezidenti, Komitənin Ekspert Şurasının üzvü Araz Mürsəliyevi Dövlət Dumasında iş üzrə özünün ictimai əsaslarla köməkçisi təyin edib.
H.Səfərəliyev A.Mürsəliyevin milli birliklərlə iş sahəsində böyük təcrübəyə malik olduğunu qeyd edib və millətlərarası münasibətlərin əlaqələndirilməsi məsələləri üzrə ictimai təşkilatlar və etnomədəni birliklərlə fəal əməkdaşlığı davam etdirməyi tapşırıb.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
