HƏNDBOL ÜZRƏ QADIN YIĞMA KOMANDAMIZ İLK QƏLƏBƏSİNİ QAZANMIŞDIR
Həndbol üzrə dünya çempionatının seçmə turunun dekabrın 4-də Bakı İdman Sarayında keçirilmiş növbəti oyununda Azərbaycanın qadınlardan ibarət yığma komandası Makedoniya komandasını qəbul etmişdir. Məlum olduğu kimi, komandamız bundan əvvəlki bütün oyunları uduzmuşdur. İndi isə idmançılarımız doğma şəhərdə mübariz xarakter nümayiş etdirməli və qələbə əzmi ilə oynamalı idilər. Gərgin mübarizə şəraitində keçən görüşdə həndbolçularımız güclü rəqiblərinə cüzi üstünlüklə - 32:31 hesabı ilə qalib gəlmişlər. Komandaların növbəti oyunu Makedoniyada keçiriləcəkdir.
Bölmənin digər xəbərləri
