HEYDƏR ƏLİYEV ADINA BAKI DƏRİN ÖZÜLLƏR ZAVODU BAXIŞ-MÜSABİQƏNİN QALİBİ OLMUŞDUR
Dövlət Neft Şirkətindən (ARDNŞ) AZƏRTAC-a bildirmişlər ki, neft və qaz sənayesində çalışan işçilərin əmək şəraitinin yaxşılaşdırılması, istehsalat sahələrində iş yerlərinin təhlükəsizlik texnikası qaydalarına uyğunlaşdırılması və istehsalat zədələnmələrinin qarşısının alınması məqsədi ilə Neft və Qaz Sənayesi İşçiləri Həmkarlar İttifaqının Respublika Komitəsi tərəfindən “Layiqli iş yeri – təhlükəsiz əmək” devizi altında baxış-müsabiqə keçirilmişdir.
ARDNŞ-in müəssisə və təşkilatları arasında keçirilmiş və Neftçilər gününə həsr olunmuş baxış-müsabiqədə Heydər Əliyev adına Bakı dərin özüllər zavodu qalib gəlmişdir.
Bölmənin digər xəbərləri
