HİNDİSTANDA DƏRSLİKLƏR YENİDƏN, MÜSƏLMAN AMİLİ NƏZƏRƏ ALINMAQLA TƏRTİB EDİLƏCƏK

03.07.2004 [14:20]
Çap et
A⁺ A^-

AZƏRTAC xəbər verir ki, Londonun “Qardian” qəzetinin yazdığına görə, Hindistanın yeni hökuməti tarix fənnini məktəblilərə təzə üsulla öyrətmək niyyətindədir. Tanınmış alimlərdən ibarət Büro induizmə önəm verən keçmiş radikallar hökumətinin sifarişi ilə yazılmış dərsliklərin ləğv olunmasını tövsiyə etmişdir.

Təhsil sahəsində tədqiqatlar və kadr hazırlığı məsələləri Milli Şurası yüz minlərlə dərsliyin istifadəsinə qadağa qoyacaqdır. Tarix fənni üzrə məktəb proqramları əhəmiyyətli dərəcədə dəyişdiriləcəkdir. Proqram İslamın Hindistanın tarixində oynadığı rol, müsəlmanların verdiyi töhfələr nəzərə alınmaqla tərtib olunacaqdır.

Qəzetin yazdığına görə, yeni hökumətin bu addımı onun öz sələflərindən köklü şəkildə fərqlənən yeni siyasət yeridəcəyini sübut edir.