HORST KÖLER: ALMANİYADA MÜSƏLMANLAR ÖZLƏRİNİ CƏMİYYƏTİN BİR HİSSƏSİ KİMİ HİSS ETMƏLİDİRLƏR
Prezidentin müqəddəs Ramazan ayının başa çatması ilə əlaqədar təbrik məktubunda deyilir: “İstərdim ki, burada yaşayan müsəlman qadın və kişilər özləri barədə desinlər: “Bura mənim vətənimdir, bu ölkəyə sədaqətliyəm. Mən onun qanunları ilə yaşamaq istəyirəm. Mən Almaniya müsəlmanıyam”.
Köler vurğulamışdır ki, müsəlman icmalarının, dövlətin, kütləvi informasiya vasitələrinin və cəmiyyətin bütün qüvvələrinin, eləcə də kilsənin vəzifəsi müsəlmanların həyatını alman həyatının bir hissəsinə çevirməkdən ibarətdir. Onun sözlərinə görə, İslam tərəfdarları Almaniyada özlərini cəmiyyətin bir hissəsi kimi hiss etməlidirlər. Bu, ilk növbədə, Almaniyada doğulub, böyüyən gənc müsəlmanlara aiddir.
Almaniyada müsəlmanlar katoliklərdən sonra ikinci böyük dini qrupdur. Onların sayı 3,5 milyon nəfərə çatır. AFR-də 2600 məscid fəaliyyət göstərir. Yerli mətbuatda dərc olunmuş məlumata görə, 2007-ci ildə müsəlmanlar 20 yaşınadək berlinlilərin 50 faizindən çoxunu təşkil edəcəklər.
Bölmənin digər xəbərləri
