IATA: Azərbaycanda həyata keçirilən enerji layihələri dövlətin iqlim fəaliyyətinə sadiqliyini nümayiş etdirir
Bakı, 13 may, AZƏRTAC
Azərbaycanda həyata keçirilən və qlobal xarakter daşıyan enerji layihələri dövlətin iqlim fəaliyyətinə sadiqliyini nümayiş etdirir.
AZƏRTAC xəbər verir ki, bunu Beynəlxalq Hava Nəqliyyatı Assosiasiyasının (IATA) Xalis Sıfıra Keçid Aviasiya Enerji Forumunda çıxışı zamanı təşkilatın Sıfır emissiyaya keçid üzrə direktoru Hemant Mistry deyib.
O bildirib ki, Azərbaycan COP29-un ev sahibi kimi, həm də mühüm neft-qaz istehsalçısı olaraq iqlim dəyişikliyi ilə mübarizəyə öz töhfəsini verməyə davam edir.
“Azərbaycanda dövlət səviyyəsində həyata keçirilən tədbirlər nəticəsində tədricən yaşıl enerjiyə keçid edilir. Alternativ enerji növlərinin istehsalının artımı Azərbaycanda sıfır emissiyaya nail olmaq istiqamətində atılan addımlardı. Azərbaycan beynəlxalq standartlara uyğun siyasət və tənzimləmələr tətbiq etməklə, xüsusilə aviasiya yanacağı sahəsində davamlı yanacaq (SAF) istifadəsinə keçidə önəm verir”, - deyə Hemant Mistry qeyd edib.
Bölmənin digər xəbərləri
