İbrahima Konate: Azərbaycan millisi ilk görüşdə bizi təəccübləndirdi
Bakı, 15 noyabr, AZƏRTAC
Sabah bizi çətin oyun gözləyə bilər.
AZƏRTAC xəbər verir ki, bu sözləri Fransa millisinin futbolçusu İbrahima Konate DÇ-2026-nın seçmə mərhələsi çərçivəsində Bakıda Azərbaycan yığmasına qarşı keçirəcəkləri oyundan öncə təşkil edilən mətbuat konfransında deyib.
O, Bakıdan xalla qayıtmaq istədiklərini bildirib: “Oyundan həzz almaq və ölkəmizə xalla qayıtmaq istəyirik. Azərbaycan millisi ilk görüşdə bizi təəccübləndirdi. Səmimi olacağam, birinci matçda çətinlik çəkdik. Amma bizim də Bakıda öz hədəflərimiz var. Bunun üçün mübarizə aparacağıq. Heyətlə bağlı yekun qərarı baş məşqçimiz verəcək”.
Qeyd edək ki, Azərbaycan - Fransa matçı noyabrın 16-da Tofiq Bəhramov adına Respublika Stadionunda saat 21:00-da başlayacaq.
Bölmənin digər xəbərləri
