“İdrak” liseyi ölkəmizdə təhsilin inkişafına töhfə verir
Bakı, 25 fevral, Ayişə Axundova, AZƏRTAC
Fevralın 25-də Azərbaycan Xalça Muzeyində “Xocalı - unudulmayan tarix” adlı anım tədbiri keçirilib. Tədbirin iştirakçısı, pedaqoji elmlər doktoru, “İdrak” liseyinin təsisçisi və rəhbəri, professor Mönsüm Alışov AZƏRTAC-a eksklüziv müsahibəsində deyib: “İdrak” liseyi 2007-ci ildən Sumqayıtda fəaliyyət göstərir. 2014-cü ildə isə Bakıda bu liseyin filialı açılıb. Hazırda burada 350-yə yaxın şagird təhsil alır. Ən müasir informasiya-kommunikasiya texnologiyalarına əsaslanan özünəməxsus təhsil modeli ilə fərqlənən bu liseydə yüksək ixtisaslı pedaqoqlar dərs deyir. Burada uşaqların təlim-tərbiyəsi üçün gözəl şərait yaradılıb. Bu il beşinci buraxılışa hazırlayan liseyin şagirdləri yüksək bilik səviyyəsi, tərbiyəli, intizamlı və lider keyfiyyətinə malik olmaları ilə fərqlənir. Liseyin demək olar ki, bütün məzunları Azərbaycanın və xarici ölkələrin nüfuzlu universitetlərində ali təhsil alırlar”.
Bölmənin digər xəbərləri
