İFAÇI VƏ ALİM KAMANÇADA YENİLİKLƏR ETMİŞLƏR

02.02.2004 [20:58]
Çap et
A⁺ A^-

“Vahid” Poeziya evində xalq artisti, görkəmli kamança ifaçısı Habil Əliyevlə kimya elmləri doktoru, musiqi alətlərinin bərpası ilə məşğul olan alim-şair Pənah Qurbanovun kamança alətində etdikləri yeniliklərlə bağlı tədbir keçirilmişdir.

Poeziya evindən AZƏRTAC-ın müxbirinə bildirmişlər ki, Habil Əliyev və Pənah Qurbanov çıxışlarında dəqiq hesablanmış sistem əsasında etdikləri yeniliklərin ifaçılıq texnikasını yüksəldəcəyindən, çalğını aydın, dəqiq, güclü və məlahətli edəcəyindən, havaların daha rəngarəng səslənməsinə şərait yaradacağından danışmışlar.

Tanınmış kamança ifaçıları – xalq artisti, professor Şəfiqə Eyvazova, habelə Arif Əsədullayev, Abdulla Abdullayev, Elşən Mansurov və başqaları kamança alətində edilmiş yeniliklərlə bağlı fikirlərini bildirmişlər.

Sonda xalq artisti Habil Əliyev yeniliklər edilmiş kamançada muğamlardan parçalar səsləndirmişdir.